Театр қойылымдары туралы көрме-құжаттама

«На крыльях творчества» студиясы
02 - 25.05.2022
АРТиШОК театрының үлкен сахнасы

Кураторы: Оля Веселова

Бұл көрме өнер арқылы оңалту бойынша жинақталған тәжірибені тиянақтау бағытында ұйымдастырылды. «На крыльях творчества» студиясы 2017 жылдан бері емдеудің ұзақ кезеңін аяқтаған және тірек терапия немесе ремиссия сатысындағы пациенттермен жұмыс істейді. Студиядағы сабақтар сан түрлі өнер түрі бойынша өтеді. Мұндағы жұмыс театрландырылған қойылымдарға арналған шабыт базасына айналады.
Көрме аясында біз театрлық қойылым құрудың басты кезеңдерінің біріне тоқталамыз. Ол — спектакльдің көрнекі тілін қалыптастыру. Студенттер алдағы жұмыстың бастауы ретінде болашақ қойылымға қатысты ойын жеткізеді. Басты кейіпкерлердің бейнесін, декорациялар және мизансценаларды негізгі спектакльде байқауға болады.
«Театрдың арғы жағында» көрмесі спектакльдердің фото және видео құжаттамасы, оларды құру процесі, декорациялар, костюмдер сияқты 150-ден астам жұмысты біріктірді. Көрмеде біз жас авторлардың үш қойылымға арналған көркем туындыларын ұсынамыз: «Хрусталь құдық», «Музыканың арғы жағында» және «Батыл вакцина».
Көрме атауы бізді студия репертуарындағы спектакльдердің біріне сілтеп қана қоймай, театрды әлеуметтік құбылыс ретінде де көрсетеді. Адамның ішкі әлемін өзгерте алатын материалдық емес құндылықтарды дәріптеу туралы ой қозғайды. «На крыльях творчества» студиясының театры — шығармашылық тәжірибе арқылы өздерін толғандыратын мәселелер туралы әңгімелесе алатын пікірлес адамдардың бейресми бірлестігі. Осы көрме арқылы сіздерге студиядағы қойылым құру процесін іштей бақылап көруге мүмкіндік бергіміз келеді.