2021 жылдың жазы

Өзектілігі:
- аумақтың брендін дамыту
- қалада жайлы орта құру
- «Нұр-Әлем» сферасына келушілер санын арттыру
- астаналықтарға сапалы мәдени демалыс ұсыну

Мұнда орналасқан инсталляциялар жиынтығы аумақты аралап, өнерді тамашалауға шақырғандай әсер береді. Уақытша және тұрақты өнер нысандары арқылы EXPO аумағы нағыз «ашық аспан астындағы мұражайға» айналды. Кешеннің ерекше архитектурасы жаңа бірегей экспонаттармен толықты. Жаздың жақсы күнінде отбасыңызбен таза ауада серуендеп қана қоймай, сұлулыққа тамсанып, күнделікті қарбалас тірліктен алыстататын ерекше нәрсені көре аласыз. EXPO аумағында Молдақұл Нарымбетов, Саид Атабеков, Арыстанбек Шалбаев, Мұрат Ділманов, Алена Велар сияқты атақты қазақстандық суретшілердің, сонымен қатар ресейлік авторлар Андрей Люблинский мен Валерий Казастың ауқымды жұмыстарын тамашалай аласыз.
Publick art немесе қалалық кеңістіктегі өнерді ең демократиялық өнер десе болады. Мұнда өнер көрерменмен тікелей сөйлеседі, оның күнделікті өміріне енеді. Сондықтан қазіргі заманғы ірі және табысты қалалардың көпшілігінде олардың дамуына ықпал ететін қоғамдық өнер бағдарламалары бар. Өнер арқылы белгілі бір аумақтың ерекше көрінісі, бірегейлігі қалыптасады. Көрерменнің эмоциясын оятуға бағытталған өнер арқылы қала тұрғындары сол жермен эмоционал байланыс орнатып, қайта келуге асығатын болады.
Қызығушылық, жайлылық және эмоциялар адамдарды бір жерге қайта-қайта келуге ынталандырып, келушілердің тұрақты ағынын қалыптастырады.

Адам өнерді тамашалап қана емес, оған қатысу арқылы да керемет әсер ала алатынын жасырын емес. Қандай да бір ерекше әрекетке қатысу адамда жаңа эмоциялар мен сезімдерді тудырады. Оны көрермен жақындарымен, достарымен және әлеуметтік желілерде бөлісуге дайын. Дәл осы «ауыздан ауызға жететін» әсерлер EXPO аумағына деген қызығушылықты арттырып, оны танымал ете түседі.

EXPO аумағында балалар мен жасөспірімдер үшін демалыс орталығы түріндегі қызықты аймақ қарастырылған. Бұл балалар мен жасөспірімдер үшін ойын-сауық және демалысы орны ғана емес, сонымен қатар жаңа білім алып, шығармашылық және зияткерлік машықтарын дамыту мүмкіндігін береді. Мұнда балаларды киіз басу, акварель, оригами өнері, флористика және т.б. бойынша сабақтар күтеді.

EXPO аумағын жандандыру мақсатына жетудің маңызды бөлігі – сапалы мәдени демалыс ұйымдастыру. Бұл бағдарлама астаналықтарға қазақстандық заманауи музыканттарды таныстыру мақсатында әзірленген. Сонымен қатар EXPO – қазақстандықтардың шығармашылық әлеуетін жүзеге асыруға арналған алаң. Оған ат салысу арқылы біз еліміз үшін үлкен маңызға ие креатив экономиканың дамуына ықпал ете аламыз. Өздеріңіз білетіндей, мәдениет саласын «жаңа мұнай» деп атайды және EXPO аумағындағы бағдарлама біздің республикамыздағы креатив индустрияның қалыптасуына серпін бере алады.

Жоғарыда айтылғандардан басқа қоғамдық өнерден бөлек, фотография да тағы бір маңызды өнер түрі саналады. «Нұр-Әлем» павильонының кіреберісінде ең үздік қазақстандық және халықаралық фотографтардың туындылары ұсынылған. Олар: Бауыржан Бисмилдин, Зарина Зоман, Марио Хеллер, Бауыржан Сәбитов, Сабина Қуанғалиева және басқалар.